Өнөөдөр: “Нэг хүнд өдөрт гурваас дээш удаа нөөцийн мах худалдахгүй”

“Нэг хүнд өдөрт гурваас дээш удаа нөөцийн мах худалдахгүй”
Б.Дэлгэрхишиг
Махны үнийг тогтвортой байлгах зорилгоор нөөцийн махыг энэ сарын 15-наас худалдаанд гаргаж байгаа. Нийслэлийн Засаг дарга бөгөөд улаанбаатар хотын захирагч Г.Мөнхбаяр, хотын ерөнхий менежер Ч.Бат нараар  ахлуулсан Ажлын хэсгийнхэн нөөцийн мах борлуулж буй зургаан дүүргийн аж ахуйн нэгжүүдтэй өчигдөр  танилцлаа.
Ажлын хэсгийнхэн Баянхошуунд байрлах “БОСА” худалдааний төвийн салбар дэлгүүрт 17.30 цагт очиход нөөцийн мах сонирхсон иргэд олон байлаа. Иргэн Ц.Надмид “Өнөө өглөө нөөцийн мах худалдаанд гарсан гэж сонсоод  гурав дахь удаагаа ирж,  бараг 10 кг  мах авлаа. Энэ жилийн махыг цэвэрхэн, боловсронгүй савласнаас гадна чанартай байна” гэв. Тус дэлгүүрт үхрийн махыг 3700, хониныхыг 3200, ямааны махыг 2600 төгрөгөөр борлуулж байв. Энэ нь нөөцийн махны үндсэн үнэд тус бүр 200 төгрөг нэмсэн аж.

Улаанбаатар таймс: Агаарын бохирдлоос салах гэж салхинд мөнгө хийсгэдэггүйг Саппоро хотын туршлага нотлов

1998 он. Улаанбаатар хот өвлийн хотуудын холбоонд элсэн орлоо. 1981 онд өвлийн хотуудын зовлонг мэдэрсэн Япон улсын Саппоро хот анхлан өвлийн хотуудын холбоог бий болгож өнөөдөр эгнээндээ 10 гаруй орны 20 гаруй хотыг нэгтгээд байгаа юм. Тэд дөрвөн жилдээ нэг удаа чуулж жаргал зовлонгоо илэн далангүй ярилцаж гарах арга замаа шийдвэрлэж гарцаа тодорхойлдог юм. Энэ удаа ч мөн ялгаагүй тэд Улаанбаатар хотын тулгамдсан асуудлыг ярилцаж гарах гарцаа тодорхойлсон. 

\"Өнөөдөр\" сонин: Сэлбийн хөрсийг тэгшилж дуусчээ

Р.Оюунцэцэг
Сэлбэ голыг сэргээх төсөл хэрэгжиж эхлээд сар орчим болж байна. Энэ хугацаанд хийсэн ажил болон төслийн явцын талаар Сүхбаатар дүүргийн Засаг даргын зөвлөх Н.Энхцогтоос тодрууллаа.
-“Сэлбэ” төслийн явц ямар байгаа талаар ярихгүй юу?
-Хотын даргын санаачилгаар хэрэгжүүлж буй “Сэлбэ” төсөл эхлээд 20 хонож байна. Төслийн зураг төсөл, тендер зэргээс хамаараад ерөнхийдөө орой эхэлсэн. 100 айлын гүүрээс Арслантай гүүр хүртэлх 1.3 км хэсгийн 350 метрийг нь энэ жил хийж гүйцэтгэх төлөвлөгөөтэй байгаа. Ирэх жил 100 айлын гүүрийг засах тул тэр хэсгийн 20 метр газрыг мөн үлдээж байгаа. Үндсэндээ энэ жил 330 метрийг хийх бөгөөд энэ хооронд гурван халиагуур, усан оргилуурын ажил хийгдэнэ.

Монголын мэдээ: Хотын дарга даварсан компанийнхны хандыг хага дарав

...Удирдагч хүн ямар ч тохиолдолд иргэдийн эрх ашгийн өмнөөс шийдвэр гаргаж байх ёстой. Хотын дарга уг асуудалд удирдагч хүн шиг хандаж чадсан. Харин “Алтай констракшн” компанийнхан хэтэрхий даварч, хотын даргаа шүүхэд өгч байгааг харахад өнөөгийн нийгэмд ахиухан мөнгөтэй хүн дураараа дургиж болдог гэсэн сэдэл төрүүлж байх шиг...
Манай сонин өнгөрсөн долоо хоногийн дуулиант нөхрөөр хотын дарга Г.Мөнхбаярыг нэрлэж байна. Учир нь гэвэл тэрбээр өнгөрсөн долоо хоногт олон чухал ажил хийсний хажуугаар шүүхэд хүртэл дуудагдаад амжив. Нийслэлийн удирдах ажилтны шуурхай зөвлөлгөөн дээр Г.Мөнхбаяр дарга Туул голыг аврах арга нь минж нутагшуулах гэдгийг хэлж, урьд нь энэ ажлыг хийж байсан эрдэмтэдтэй хамтарч ажиллахаа ч илэрхийлсэн. Өнөө үед нийслэлд нэн түрүүнд тулгамдаад байгаа асуудал бол Туул голын бохирдол. Тиймдээ ч нийслэл, хотын даргын зүгээс энэ зүгт анхаарал хандуулж эхэлж байгаа нь яах аргагүй онцлох үйл явдал байлаа. Түүний хажуугаар 120 мянгатын орчим барилга барих гэж зүтгэж байсан нийслэлийн хэмжээнд үйл ажиллагаа явуулж буй барилгын компаниудаас хатуу чих, тоомжиргүй байдлаараа дээгүүрт давхиж байгаа “Алтай констракшн” компани хотын даргыг шүүхэд өгсөн юм.

ӨДРИЙН СОНИН: НЕФТЬ НЭВТ ОЛГОЙДОЖ ГЭНЭТ БАЯЖСАН КУВЕЙТ

Зорчигчдыг аялуулагч этгээд юуны түрүүн Алла­хын ивээлд баг­таа­хыг хүсэж Коран судраас  иш татаж, тарни хүнгэнүүлс­нээр Бээ­жин-Абу Даби­гийн чиглэлийн онгоц газраас хөндийрнө. Нис­лэ­гийн аюулгүй байдлын бусад дүрэм заавар хоёр­дугаар асуудал бо­лол­­той. Энэ нь анх сууж буй хүнд гадаад оронд бус өөр ертөнцөд нэвт­рэх мэт содон сэтгэгдэл төрүүлж бай­лаа.

Аллах тэнгэрийн доор найман цаг нисээд эсэн мэнд газардахад мөн л Коран судраа нээн түүнд баярласнаа илэрхийлэв бололтой. Ихэнх хүмүүс бурхныг болж өгвөл ар­гал­чих гээд, түүнээс "юм сал­гачих" санаатай ханд­даг бол энд тийм биш. Жаахан байж байгаад л "цагаан хоолой"-гоор Ко­раны "лекц" хангинахад хэн ч төвөг­шөөхгүй, өд­рийн хэд л бол хэдэн удаа ажлаа орхин, гудсаа чи­рэн байшингийн нэг бу­ланд цаашаа хараад зал­бираад суучихна. Бүр үнэн сэтгэлээсээ. Бурхан­даа ингэж их баярлаж байтал дараа нь гом­доох цаг ирэхэд яах бол гэж бодог­доно.

Өдрийн сонин: Зам засварын ажилд түгжрэл саад учруулж байна

Нийслэлийн хэмжээний зам засварын ажил ид үргэлжилж байна. Одоогоор нийслэлд есөн замд замд засвар, шинэчлэлтийн ажил хийгдэж байгаа аж. Эдгээр засвар хийгдэж байгаа замуудаас хүн ам ихээр төлвлөрсөн, тээврийн хэрэгслийн түгжрэл саатал ихтэй газар нь Бага тойруугийн зам юм. Энд нийт 2,6+ км замыг шинэчилж байгаа. Тодруулбал, СУИС-ийн уулзвараас Цэцэг төвийн уулзвар хүртэлх зам. Тендерт шалгарсны дагуу тус зам засварын ажлыг “Мон агаар” компани гүйцэтгэж эхэлжээ. Энэ ажлын нийт өртөг нь 3,3 тэрбум төгрөгт төсөвлөгдсөн аж. Тус замын засвар, шинэчлэлтийн ажил ямар шатандаа явж байгаа, хэзээ хүлээлгэж өгөх, учирч буй саад бэрхшээлүүд юу байгааг ажил өрнөж буй энэ газар очиж сурвалжиллаа.

Өдрийн шуудан: Өрхийн тэргүүн

Эрх баригч намаас ирэх сонгуульд зүтгүүлэх хүмүүсийн тоонд хотын мээр Г.Мөнхбаярын нэр манлайд нь биш ч хойгуур бичигдэхгүй нь лавтай. Түүнийг өнгөрсөн сонгуульд нэр дэвшинэ, ялалт байгуулна гэдэгт олон хүн итгэж байсан. Гэвч нэр дэвшээгүй. Энэ нь нийслэлийнхний хувьд аз байжээ.

Орост төгсөөд Орон сууцны конторт инженерээс хөдөлмөрийн гараагаа эхэлсэн тэрбээр хотын ажлыг бүх шатанд нь мэддэг. Инженер даргатай болсон нийслэл өнгөрсөн хоёрхон жилийн хугацаанд хорин жилд хийгээгүй их бүтээн байгуулалтын ажил амжуулсан. Тавьснаас нь хойш нөхөж цойлдох төдийхнөөр аргалж байсан хотын төвийн зам бүрэн шинэчлэгдэж, нүх тоолж хараалаа барж явдаг жолооч наоын нуруу тэнийсэн. Зам засах нэрээр ойр хавийг нь түйвээж орхидог байсныг тэр өөрчилсөн.