1930 онд хуучнаар Засагт хан аймаг Баатар вангийн хошуу одоогийн Говь-Алтай аймгийн Хөхморьт сумын нутагт төрсөн.
    Тэрбээр 1940-1949 онд бага сургууль, Санхүү эдийн засгийн техникум, 1953-1957 онд ЗХУ-ын Иркутск хотын Санхүү эдийн засгийн дээд сургууль төгсчээ.
     Д.Цэдэв 1949-1953 онд Сангийн яаманд байцаагч, зааварлагч, ахлах зааварлагч, 1957-1959 онд Улаанбаатар хотын АДХ-ын гүйцэтгэх захиргаанд Санхүүгийн хэлтсийн дарга, 1959-1962 онд хотын гүйцэтгэх захиргаанд төлөвлөгөөний комиссын дарга бөгөөд захиргааны нэгдүгээр орлогч дарга, 1962-1965 онд Улаанбаатар хотын намын хороонд барилга, тохижилт үйлчилгээ эрхэлсэн нарийн бичгийн дарга, 1965-1971 онд Улаанбаатар хотын АДХ-ын гүйцэтгэх захиргааны дарга, 1971-1974 онд БНМАУ-аас БНБАУ-д Онц бөгөөд Бүрэн эрхт Элчин сайд, 1974-1978 онд Монгол-Зөвлөлтийн хамтарсан “Монголсовцветмет” нэгдлийн ерөнхий захирлын нэгдүгээр орлогч, 1978-1981 онд Хөнгөн хүнсний үйлдвэрүүдийн өргөтгөл, шинэтгэл эрхэлсэн МАХН-ын Төв Хороо, Засгийн газрын төлөөлөгч, 1981-1987 онд Сүхбаатарын районы АДХ-ын гүйцэтгэх захиргааны дарга, 1988-1990 онд Улсын нэгдсэн тусгай II эмнэлгийн санхүү-аж ахуй эрхэлсэн орлогч даргаар тус тус ажиллаж байсан.

1962-1965 он

   С.Батаа 1915 онд Богд хан уулын аймгийн Дархан чин вангийн хошуу одоогийн Төв аймгийн Баяндэлгэр сумын нутагт малчин ардын гэр бүлд төржээ. Тэрбээр 1924-1928 онд Богд хан уулын хошууны бага сургууль, 1928-1930 онд Улаанбаатар хотод дунд сургуульд суралцжээ.
   С.Батаа 1930-1936 онд Төв аймгийн Баяндэлгэр сумын хамтралын нягтлан бодох, сумын захиргааны нарийн бичгийн дарга, хоршооны худалдагч зэрэг ажил хийж байгаад 1936 онд цэргийн албанд татагдаж, 1937-1941 онд бага дарга, номын багш, бригадын эвлэлийн товчооны дарга, улс төрийн хэлтсийн дарга зэрэг албыг хашсан байна.
     Тэрбээр 1941-1943 онд Хуягт бригадын комиссар, улс төрийн орлогч зэрэг ахлах тушаалын ажил хийж байгаад 1943-1946 онд Москва хотод Лениний нэрэмжит Цэргийн улс төрийн академид суралцжээ.
    С.Батаа 1946-1950 онд Цэргийн улс төрийн газрын хэлтсийн даргын орлогчоор ажиллаж байгаад 1950-1952 онд Улс төрийн газрын даргаар, 1952-1956 онд Улсыг батлан хамгаалах яамны сайд, Цэрэг, нийгмийг аюулаас хамгаалах яамны нэгдүгээр орлогч сайд, Ардын цэргийн жанжнаар ажиллаж байв.

    Б.Батжаргал хуучин Түшээт хан аймгийн Эрдэнэ вангийн хошуу одоогийн Сэлэнгэ аймгийн Ерөө сумын нутагт 1911 онд төржээ. 
     Б.Батжаргал бага сургууль, Москва хотод КУТВ-ын сургууль, 1952 онд МАХН-ын Төв Хорооны дэргэдэх Намын дээд сургууль /гэрээр/, 1956 онд хотын намын хорооны дэргэдэх Марксизм Ленинизмын оройн их сургуульд тус тус суралцаж төгссөн.
    Б.Батжаргал 1931-1933 онд сумын эвлэлийн үүрийн дарга, аймгийн Үйлдвэрчний эвлэлийн товчооны дарга, 1933-1936 онд Сэлэнгэ аймаг, Улаанбаатар хотод ХЗЭийн хорооны дарга, 1938-1943 онд Үйлдвэр, барилгын яаманд хэлтсийн дарга, 1943-1946 онд Улаанбаатар Төмөр замын захиргааны дарга, 1946-1956 онд Аж үйлдвэрийн комбинатын дарга, 1956-1959 онд Улаанбаатар хотын гүйцэтгэх захиргааны дарга, 1959- 1968 онд Аж үйлдвэрийн яамны орлогч сайд, Улсын барилга-эдийн засгийн комисст хариуцлагатай нарийн бичгийн дарга, Гадаадтай харилцах комплекс импорт нэгдлийн дарга,1969-1973 онд Улаанбаатар хотын Ноос угаах үйлдвэрийн даргаар ажиллаж байгаад өндөр насны тэтгэвэр тогтоолгожээ.

    Б.Ламзав 1909 онд хуучин Засагт хан аймгийн Гурван сайхан Жаргалант уулын хошуу одоогийн Говь-Алтай аймгийн Хөхморьт сумын нутагт малчин ардын гэр бүлд төрсөн.
    Б.Ламжав багадаа /20 хүртэл насандаа/ бусдад зарцлагдаж мал маллаж, өртөөний улаач зэрэг ажил хийж байгаад 1929 онд Завхан аймгийн төвийн түр сургуульд 3 сар суралцаж, улмаар Улаанбаатар хотод ирж хоршоодын холбооны нягтлан бодохын сургуульд нэг жил, мөн техникумд нэг жил суралцан төгсчээ. 1952-1955 онд Намын дээд сургуульд суралцаж төгсөөд улс төрийн дээд боловсролтой болсон байна.
    Б.Ламзав 1931-1932 онд Улаанбаатар хот, Төв аймгийн намын хороонд зааварлагч, 1932-1934 онд цэргийн алба хааж, 1934-1941 он хүртэл Дотоод яаманд туслах, жинхэнэ, ахлах төлөөлөгч, хэлтсийн даргаар ажиллаж байгаад 1941-1951 онд БНМАУ-ын Засгийн газрын Ерөнхий сайдын орлогч, 1951-1952 онд Хоршоодын Төв Холбооны дарга, 1955-1956 онд Хөдөлмөрийн хэрэг эрхлэх газрын дарга, 1956 онд Улаанбаатар хотын захиргааны дарга, 1956-1957 онд Техникийн тусламжийн газрын дарга, 1957-1958 онд БНМАУ-аас БНХАУ-д суугаа Элчин сайдын яаманд худалдааны зөвлөх, 1958-1960 онд БНМАУ-ын Засгийн газрын үйлчилгээ аж ахуйн газар зохион байгуулагч, 1960-1969 онд Мах комбинатын өргөтгөлийн захиргаанд аж ахуйн хэлтсийн даргаар ажиллаж байгаад өндөр насныхаа тэтгэвэрт гарчээ.