1990-1992 он

    С.Мөнхжаргал 1941 онд хуучин Түшээт хан аймгийн Ахай гүний хошуу, одоогийн Сэлэнгэ аймгийн Баруун бүрэн сумын нутаг Бүрэнхаан уулын өвөр, Амарбаясгалант хийдийн хөлд төржээ.
     Тэрбээр 1949-1959 онд бүрэн дунд сургууль, 1959- 1965 онд ЗХУ-ын Москва хотын архитектурын дээд сургууль төгссөн. Архитекторч мэргэжилтэй. Эхнэр 3 хүүхэдтэй. 1965-1972 онд Улсын барилгын зургийн төв институтэд архитектор, ерөнхий инженер, захирал, 1972-1978 онд БНМАУ-ын СнЗ-ийн дэргэдэх Улсын төлөвлөгөөний комиссын орлогч дарга, 1978-1990 онд Улаанбаатар хотын АДХ-ын гүйцэтгэх захиргааны дарга, 1990-1991 онд Үндэсний хөгжлийн яамны нэгдүгээр орлогч бөгөөд төрийн сайд, газрын дарга, ерөнхий экспертээр ажиллаж байгаад хувиараа аж ахуй эрхлэн одоо “ЭБ-3” ХХК, “Амарбаясгалант” зочид буудлын ерөнхий захирлаар ажиллаж байна. МАХН-ын XVIII, XIX онц их хуралд төлөөлөгчөөр оролцож, мөн хурлаас МАХН-ын Төв Хорооны гишүүнээр сонгогдсон. БНМАУ-ын АИХ-ын IX, X, XI дэх удаагийн сонгуулиар АИХ-ын депутат, Улаанбаатар хотын намын бага хурлуудад төлөөлөгчөөр оролцож, хотын намын хорооны товчооны гишүүн, Улаанбаатар хотын АДХ-ыг сонгох 12, 13, 14, 15 дахь удаагийн сонгуулиар хотын АДХ-ын депутатаар сонгогдож байжээ.

   О.Цэнд 1918 онд хуучин Засагт хан аймгийн Дэлгэрхааны хошуу, одоогийн Хөвсгөл аймгийн Эрдэнэбулган сумын нутагт малчин ардын гэр бүлд төржээ.
      Тэрбээр 1941 онд Санхүүгийн техникум, 1947 онд ЗХУ-ын Эрхүү хотын Санхүү эдийн засгийн дээд сургууль, 1959-1990 онд Москва хотод аспирантурт суралцаж, эдийн засгийн ухааны дэд эрдэмтний зэрэг хамгаалсан юм. 
     О.Цэнд 1947 оноос БНМАУ-ын Сангийн яаманд мэргэжилтэн, хэлтсийн дарга, 1953 оноос санхүүгийн техникумд багш, орлогч захирал, 1954 оноос Статистикийн төв газрын нэгдүгээр орлогч дарга, 1966- 1970 онд БНМАУ-ын Статистикийн төв газрын дарга, 1970-1976 онд БНМАУ-аас БНАВУ, БНАСАУ-д суух Онц бөгөөд Бүрэн эрхт элчин сайд, 1976-1978 онд Улаанбаатар хотын АДХ-ын гүйцэтгэх захиргааны дарга, 1978-1981 онд БНМАУ-аас Куба улсад суух Онц бөгөөд Бүрэн эрхт элчин сайдаар ажиллаж байгаад тэтгэвэрт гарчээ.

1972-1976 он

    С.Лувсангомбо 1924 онд хуучин Түшээт хан аймгийн Хутаг уулын хошуу одоогийн Дорноговь аймгийн Хатанбулаг сумын нутагт төрсөн. 20 нас хүртэл эцэг эхийн гар дээр хүмүүжиж мал маллаж байгаад бүлгэмд суралцаж бичигтэн болжээ.
      1944 онд ардын цэрэгт татагдан Сайншандад хуягт бригадад цэрэг, тасгийн дарга хийж байгаад 1944-1948 онд ЗХУ-д Артиллерийн техникийн дунд сургууль, 1948-1954 онд Москва хотын Артиллерийн инженерийн академид, 1960-1965 онд ЗХУ-д Барилгын инженерийн дээд сургуульд эчнээ суралцаж барилгын инженертехнологичийн мэргэжил эзэмшсэн байна.
    С.Лувсангомбо 1948 онд Цэргийн яамны бууны үйлдвэрт зэвсгийн техникч, 1954-1956 онд Цэргийн ерөнхий сургуульд багш, 1956-1959 онд Барилгын сантехникийн газар ерөнхий инженер, 1959 онд МАХНын Төв Хороонд зааварлагч, нарийн бичгийн даргын туслах, 1959-1964 онд Барилга, барилгын материалын үйлдвэрийн яамны орлогч сайд, нэгдүгээр орлогч сайд, 1964-1968 он хүртэл Улсын барилгын зөвлөлийн орлогч дарга, 1968-1971 онд Барилга, барилгын материалын үйлдвэрийн яамны орлогч сайд, 1971-1972 онд Улаанбаатар хотын Ардын хурлын гүйцэтгэх захиргааны дарга, 1972-1982 онд БНМАУ-ын Сайд нарын Зөвлөлийн орлогч дарга, Барилгын архитектурын комиссын дарга, Барилга архитектур, техник хяналтын улсын хорооны даргаар хавсран ажиллаж, 1982-1984 онд НАХЯ-ны сайд, 1984-1989 онд Сайд нарын Зөвлөлийн орлогч даргын алба хашиж байгаад тэтгэвэрт гарчээ.